Qaid khaane mein talaatum he ke hind aati hai Download mp3 audio & Noha Write-up / Lyrics / Wording

Nadeem Sarwar 2007Qaid khaane mein talaatum he ke hind aati hai Download mp3 audio

Qaid khaane mein talaatum he ke hind aati hai

 

Qayd khaane mei Noha Write-up / Lyrics / Wordings

(Haay Saadat aur zindan) x2

(Haaye sadaat haaye zindaan) x2

(Qaid khaane mein talaatum he ke hind aati hai) x2

    1. Dukhtare Fatema ghairat se mui jaati he

Qaid khaane mein talaatum he ke hind aati hai

    1. Aasman door zameen sakht kidhar jaaoun mein

Yahi behtar he ke dunya se guzar jaaoun mein

Bibiyon milke duaa maango ke marjaaun mein

Maut aati hi nahin jaan khichi jaati he

Qaid khaane mein talaatum he ke hind aati hai

    1. Amaad-e-hind ka ghul itrat-e-shabbir mein he

Shor-e-matam haram-e-saahib-e-tathir mein hein

Kehti he jaaoun kahan paaon to zanjeer mein he

Paaon uthta he to zanjir lipat jaati he

Qaid khaane mein talaatum he ke hind aati hai

    1. Aa idhar bibi Sakina se ye Zainab ka bayaan

Hind darbar se jab aayegi su-e-zindaan

Sabr tum ko he dikhana na uthe shoro fughaan

Haaye ye din bhi aseeri tumhe dikhlaati he

Qaid khaane mein talaatum he ke hind aati hai

    1. Dare zindaan pe huwa itne mein ambohe kamaal

Jaane haatim ka he zindaa(n) mein nuzoolo ijlaal

Qaidiyon uth ke dua deke karo istikbaal

Zawja-e-haakime doraan he jo ye aati he

Qaid khaane mein talaatum he ke hind aati hai

    1. Hind ne dekhke raandon ki taraf di ye sada

Kiska yusuf he ye zindaan mein giraftaare bala

Bibiyaan kiski hai rakhti jo nahin sar pe rida

Un ke chehron se to kuchh aur jhalak aati he

Qaid khaane mein talaatum he ke hind aati hai

    1. Dekhti kya he ke ik sher he aahan mein niha

Laagharo khastatanon faaqakasho Tashnadahaan

Naa to chalne ki taqat he na koi rishtae jaan

Ghustakhaanon se larazne ki sada aati he

Qaid khaane mein talaatum he ke hind aati hai

    1. Aayi nazdeek jo Sajjad ke Hind-e-dilgeer

Boli woh konsi isyan ki mili ye tazeer

Bole dasween ki muharram ki joh pehni zanjeer

Aaj taqdeer bhi qaidi humein kehlati he

Qaid khaane mein talaatum he ke hind aati hai

    1. Hind ne puchha maraz kya he kaha bepadari

Ghar jo daryaft kiya kehne lage darbadari

Boli leta he khabar kon kaha bekhabari

Jo khabargeer the unko to lahed bhaati he

Qaid khaane mein talaatum he ke hind aati hai

    1. Baba sahib ke gale par jo na khanjar phirta

Inke sar khulte na mein kaanton pe dar dar phirta

Aur madine ki taraf sab ko mein le kar phirta

Yaad hazrat mei watan ki humein tarpaati he

Qaid khaane mein talaatum he ke hind aati hai

    1. Hind ne naam madine ka jo abid se suna

Khaak par beth gayi haal ye taaqeer huwa

Boli kya zainab-o-kulsum se nisbat he bhala

Aise chehron se to khushbu-e-wafaa aati he

Qaid khaane mein talaatum he ke hind aati hai

    1. Boli Zainab ke na le Zainab-o-Kulthum ke naam

Woh nabi zaadiyan he qaid mein unka kya kaam

Hind boli inhi baton mein hein sab un ka kalaam

Kyun meri ruh tumhe dekh ke ghabraati he

Qaid khaane mein talaatum he ke hind aati hai

    1. Jo bhi surat he woh maasum nazar aati he

Qudrate khaaliq-e-qayyum nazar aati he

Koi Zainab koi Kulsum nazar aati he

Un se taqdeer ye kis haal mein milwaati he

Qaid khaane mein talaatum he ke hind aati hai

    1. Gird aabid ke phiri phir woh ba haal-e-tagheer

Bole woh kon ye chillai kaneez-e-Shabbir

Assalaam ay rasan-o-tauq-o-salaasil ke aseer

Nawha karti huwi qadmon mein giri jaati he

Qaid khaane mein talaatum he ke hind aati hai

  1. Bas “Dabeer” ab gham-e-shabbir se larzaa he jigar

Hind bhi mehw-e-azaa aaj huwi nang-e-sar

Qaidkhaane mein huwa sina zani se mehshar

Yehi majlis he jo khud marsiya kehlaati he

Haaye sadaat aur zindaan

Comments

Loading Facebook Comments ...

Leave a Reply

Your email address will not be published. Required fields are marked *

*